Solidariteit bied sy lede beskerming in die werkplek. Die vakbond is egter ook ‘n groter beweging wat vir die regte van sy lede en hul gemeenskappe opstaan. Ons boodskap is een van beskerming vir vandag en hoop vir môre!

Anglo Platinum maak geld soos bossies
Anglo Platinum se wesensverdienste het met 532% in die halfjaar tot einde Junie gestyg.
Een uit drie Suid-Afrikaners wat graag wil werk, kry nie werk nie
Die arbeidsektor toon nog geen beduidende tekens van herstel ná die resessie nie.
Opleidingsinskrywings styg, maar opleidingsvlakke laat veel te wense oor
Slegs 7,6% van die bykans 1,44 miljoen leerlinge wat in 1998 hulle skoolloopbaan begin het, het in 2009 vir tersiêre opleiding gekwalifiseer.
Taai loononderhandelinge duur voort
Die stryd vir loonverhogings bo die inflasiesyfer duur steeds voort.
Traagheid oor gradering kan onderhandelinge in die wiele ry, maan Solidariteit
Die vakbond Solidariteit en die National Union of Mineworkers (NUM) het vandag die steenkoolmaatskappy Exxaro se loonaanbod verwerp. Totdat Exxaro nie dringend sy loonaanbod hersien en die graderingskwessie wat nou al drie jaar lank hier sloer by die aanbod insluit nie, is ʼn ooreenkoms buite die kwessie, het Solidariteit gewaarsku.
Telkom se tyd loop uit om vergoedingsprobleem op te los, maan Solidariteit
Arbeidsverhoudinge bereik krisispunt Telkom se tyd om op eie stoom ʼn oplossing vir die brandende probleem van salarisongelykhede onder werknemers van die maatskappy se grootste eenheid te vind, loop nou vinnig uit, het die vakbond Solidariteit vandag gewaarsku.
Eskom topbestuur kry verhoging van 83%, Solidariteit vra vir noodonderhandelings
Die vakbond Solidariteit het sy skok uitgespreek met syfers wat gister bekend gemaak is wat toon dat Eskom se uitvoerende komitee ‘n gemiddelde verhoging van 83% gekry het. Die verhogings wissel tussen 73% en 91%. Volgens Solidariteit sluit hierdie syfers uitbetalings op grond van prestasieaandele uit wat ook met 89% meer gestyg het as waarvoor in die 2009 finansiële state voorsien is.
Shiva Uranium begin met afleggingsproses kort ná oorname van Uranium One
Nuwe werkgewer het beloof dat geen afleggings sou volg, maan Solidariteit Hoewel die uraniumprodusent Shiva Uranium, wat Uranium One se Dominium Reefs-myn onlangs oorgeneem het, aan die Mededingingskommissie beloof het dat geen afleggings weens die oorname sou volg nie, is dit juis wat nou gebeur, het die vakbond Solidariteit vandag gesê.
Solidariteit aanvaar nie Eskom-aanbod, maar stel wysigings voor
Die vakbond Solidariteit het vandag aangekondig dat hy nie die huidige vorm van Eskom se jongste aanbod in die loononderhandelinge aanvaar nie. Die vakbond het in ʼn poging om die partye nader aan mekaar te bring bykomende wysigings aan Eskom se hersiene aanbod voorgestel. Eskom is kans gegun tot Maandag om terugvoer oor die nuwe wysigings te gee.
Nóg ʼn afleggingskok vir Simmers se Buffelsfontein-myn – Solidariteit
Die goudmaatskappy Simmer & Jack (Simmers) het die afgelope Vrydag vir nóg ʼn afleggingskok gesorg toe hy ʼn Artikel 189-kennisgewing vir die aflegging van nagenoeg 20% van die groep se werknemers by die Buffelsfontein Gold Mine (BGM) aan vakbonde oorhandig het. Ingevolge die kennisgewing wat aan Solidariteit oorhandig is, beplan Simmers om 865 van BGM se 4 567 werknemers af te lê. Die meerderheid van die werknemers wat deur die beplande afleggings geraak kan word, werk by BGM se nr. 10-skagkompleks.
Solidariteit sluit nóg mededingende loonooreenkomste
Terwyl loononderhandelinge steeds by talle maatskappye en bedingingsrade voortgesit word, het Solidariteit in die afgelope maand reeds verskeie uiters mededingende loonooreenkomste gesluit. Loonooreenkomste is intussen by onder meer Colgate, die nywerheidschemikalieë-sektor van die chemiese bedingingsraad, die Suid-Afrikaanse Atoomenergiekorporasie (Necsa) en die Mine Pension Fund (MPF) bereik. Loonverhogings by dié vier maatskappye of bedingingsrade is op tussen 7% en 9% gesluit. “Dié loonverhogings is in uiteenlopende bedrywe bereik. Nietemin kon Solidariteit reeds deur die bank daarin slaag om verhogings van tot 4 persentasiepunte bo die huidige vlak van inflasie vir lede te beding,” verduidelik Solidariteit-woordvoerder Jaco Kleynhans.
Produksiesektore tel kop op, toon werkskeppingsyfers – Solidariteit
Die styging in die aantal werksgeleenthede in die formele mynbou- en vervaardigingsektore is positiewe nuus en bevestig dat die groei wat reeds in dié sektore aangeteken is uiteindelik tot werknemers begin deursyfer het, het die vakbond Solidariteit vandag gesê.
Grootste verlies aan kernkundiges nóg, maan Solidariteit nadat bitter einde vir PBMR aanbreek
Terwyl ʼn bitter einde vir Pebble Bed Modular Reactor (PBMR) vandeesweek finaal aanbreek, het Solidariteit gewaarsku dat dit die grootste verlies nóg aan kernkundigheid vir Suid-Afrika tot gevolg sal hê. Die vakbond beklemtoon dat die uitvloei van kundigheid uit die land onherroeplike skade sal veroorsaak en dat dit jare sal neem om die vaardigheidsgaping wat geskep gaan word weer te vul.
Eskom beoog om miljoene rande se prestasie-aandele aan direkteure te betaal
Die vakbond Solidariteit het vandag syfers bekend gemaak wat wys dat Eskom in sy state voorsiening maak vir die uitbetaling van R9,6 miljoen se prestasie-aandele aan direkteure en senior bestuurders hierdie maand. Volgens die state kan van die direkteure tot soveel as R1 miljoen se uitbetalings ontvang. Die betaalbare prestasie-aandele kan van Junie vanjaar tot Junie 2011 met ʼn verdere 70% styg tot R16,3 miljoen.
Eskom-loongesprekke duur voort – Solidariteit
Eskom-loongesprekke is vandeesweek by die Kommissie vir Versoening, Bemiddeling en Arbitrasie (KVBA) voortgesit, het die vakbond Solidariteit vandag gesê. Vakbonde het Woensdag in ʼn aparte sessie gesprekke met kommissarisse van die KVBA gevoer, waarna Eskom gister en vandag met die KVBA vergader het. Hoewel gesamentlike bemiddeling vandag hier gevoer sou word, is die sessies tot aanstaande Maandag en Dinsdag uitgestel.
Uitstel van digitale migrasie kan ekonomie benadeel, waarsku Solidariteit
Die vakbond Solidariteit het vandag sy stem by die uitsaaiers M-Net en e-tv gevoeg en gewaarsku dat die regering se besluiteloosheid oor watter tegniese standaard vir die digitale migrasie in Suid-Afrika gebruik moet word, ʼn vermorsing van geld sal beteken en die proses sal vertraag. Daarbenewens hou Solidariteit vol dat plaaslike inligtingstegnologiemaatskappye wat reeds met die ontwikkeling van dekodeerders – oftewel Set Top Boxes (STB’s) – vir die oorskakeling begin het, groot verliese sal kan ly.
Loonstryd duur voort by talle maatskappye – Solidariteit
Inflasiemaatstaf verloor waarde in loononderhandelinge Loononderhandelingseisoen is in volle swang en onderhandelinge word tans by talle maatskappye namens lede van die vakbond Solidariteit hanteer. Hoewel onderhandelinge steeds by verskeie maatskappye in ʼn vroeë stadium is, meen Solidariteit dat maatskappye in die algemeen vanjaar uiters koppig ten opsigte van werknemers se eise staan.
Aurora-werknemers staak oor salarisse en lewensversekering
Aurora moet nou verantwoordelikheid neem, eis Solidariteit Die nagenoeg 100 oorblywende werknemers van Aurora se Grootvlei-myn buite Springs aan die Oosrand wat verantwoordelik is vir die sorg- en instandhoudingswerk hier het vandag met ʼn volskaalse staking begin. Werknemers is ontevrede omdat hulle sedert Februarie nog nie betaal is nie en aangesien dit intussen aan die lig gekom het dat geen lewensversekering vir hulle uitgeneem is nie.
Eskom veroorsaak vertrouensbreuk tussen werknemers en maatskappy, maan Solidariteit
Solidariteit verklaar loongeskil met Eskom Loononderhandelinge tussen die kragvoorsiener Eskom en vakbonde het gister finaal vasgeval en ʼn geskil is verklaar, het Solidariteit vandag gesê. Solidariteit hou vol dat Eskom se hardkoppigheid in vanjaar se onderhandelinge die proses onnodig strem en tot ʼn vertrouensbreuk tussen werknemers en die maatskappy gelei het.
Loononderhandelinge in glassektor heropen – Solidariteit
Hoewel ʼn tweejaarloonooreenkoms verlede jaar in die glassektor van die Nasionale Bedingingsraad vir die Chemiese Bedryf (NBCCI) bereik is, het loononderhandelinge in dié sektor nou heropen, het die vakbond Solidariteit vandag gesê. Vyftien verskillende maatskappye word in dié sektor van die NBCCI verteenwoordig, waaronder die PG Group en Consol Glass.
Telkom maak nuwe voorstel om salarisongelykhede op te los
Salarisongelykhede onder werknemers in Telkom se MCNO-kantoor (voorheen die Merlot-projek) en die grootste enkele eenheid in die maatskappy, die Data Advance Services-eenheid (DAS), kan moontlik binnekort iets van die verlede wees, het Solidariteit vandag gesê.
Solidariteit verklaar geskil met Denel oor eensydige implementering van karige loonverhogings
Denel en sewe van sy entiteite sal nou aan die Kommissie vir Versoening, Bemiddeling en Arbitrasie (KVBA) moet verduidelik hoekom geen loonooreenkomste vanjaar by enige van dié maatskappye bereik kon word nie. Die vakbond Solidariteit het ʼn geskil na die KVBA verwys nadat loononderhandelinge vasgeval het weens die duidelike beperkinge wat Denel op die entiteite geplaas het. Dié beperkinge het nou daartoe gelei dat loonverhogings by elkeen van die entiteite eensydig geïmplementeer is.

Solidariteit Beweging on Facebook